شیل ہاربر میں یومِ پاکستان کے موقع پر پاکستانی کمیونٹی کی تقریب، تجدیدِ عہدِ وفا کا اظہار
آسٹریلیا کے شہر شیل ہاربر میں یومِ پاکستان کے موقع پر مقامی پاکستانی کمیونٹی نے نہایت جوش و خروش کے ساتھ تجدیدِ عہدِ وفا کا دن منایا۔ اس تقریب میں پاکستانی کمیونٹی کے افراد کے ساتھ ساتھ شہر کی کونسل کے معزز اراکین جون ڈیوڈ اور میئر کرس ہومن نے بھی خصوصی شرکت کی۔تقریب کا بنیادی مقصد نئی نسل کو آزادی کی اہمیت سے آگاہ کرنا اور قیامِ پاکستان کے لیے ہمارے آبا و اجداد کی لازوال قربانیوں کو اجاگر کرنا تھا۔ مقررین نے اپنے خطاب میں کہا کہ پاکستان بڑی قربانیوں کے بعد حاصل ہوا، جس کی قدر کرنا ہم سب کی ذمہ داری ہے۔اس موقع پر یومِ پاکستان کی مناسبت سے کیک بھی کاٹا گیا جبکہ شرکاء نے قومی ترانے گا کر اپنے وطن سے محبت کا اظہار کیا۔تقریب میں پاکستانی کمیونٹی کے سینئر رہنما غلام مصطفیٰ چوہدری، الطاف عباسی، اسامہ عباسی سمیت دیگر معزز شخصیات نے شرکت کی اور اس عزم کا اعادہ کیا کہ وہ دیارِ غیر میں رہتے ہوئے بھی پاکستان کی ترقی اور خوشحالی کے لیے اپنا کردار ادا کرتے رہیں گے