شرم الشیخ: نائب وزیراعظم اور وزیر خارجہ سینیٹر محمد اسحاق ڈار کا مصر میں غزہ امن سربراہ اجلاس کے موقع پر امریکی وزیر خارجہ مارکو روبیو اور ترکیہ کے وزیر خارجہ ہکان فیدان کے ساتھ غیر رسمی تبادلہ خیال ہوا،فلسطینی کاز کے منصفانہ اور پائیدار حل کے لیے پاکستان کے عزم کی تجدید کی۔
ترجمان دفتر خارجہ کی جانب سے پیر کو جاری بیان کے مطابق نائب وزیراعظم/وزیر خارجہ نے خطے میں پائیدار امن و استحکام کے مشترکہ ہدف کی طرف پیشرفت اور جنگ بندی میں معاونت پر امریکہ اور ترکیہ کے کردار کی تعریف کی۔انہوں نے غزہ اور فلسطین کے عوام کے لیے جاری بین الاقوامی سرگرمیوں اور انسانیت دوست امداد کی اہمیت پر زور دیا اور فلسطینی کاز کے منصفانہ اور پائیدار حل کے لیے پاکستان کے عزم کی تجدید کی۔