اسلام آباد(وقائع نگار)انسداددہشت گردی عدالت کے جج طاہر عباس سپرا کی عدالت نے وکلاء کیجانب سے پولیس کیساتھ لڑائی جھگڑا کیس میں سابق صدر ہائیکورٹ بارریاست علی آزاد، بانی پی ٹی آئی کے ترجمان نیاز اللہ نیازی کی عبوری ضمانت منظور کرتے ہوئے پولیس کو گرفتاری سے روک دیا۔گذشتہ روز سماعت کے دوران ریاست علی آزاد اور نیاز اللہ نیازی عدالت پیش ہوئے اور ضمانت قبل از گرفتاری کی درخواستیں دائرکیں،عدالت نے 5، 5 ہزار روپے مالیتی مچلکوں کے عوض ضمانت منظورکرتے ہوئے دلائل طلب کرلیے اور سماعت 2 فروری تک کیلئے ملتوی کردی۔مذکورہ مقدمہ میں ایمان مزاری اور ہادی علی جوڈیشل ریمانڈ پر ہیں،ملزمان کیخلاف دہشت گردی کی دفعات کے تحت تھانہ سیکرٹریٹ میں مقدمہ درج ہے۔
تازہ ترین