اسلام آباد
پلاٹوں کی الاٹمنٹ میں مبینہ خرد برد کے الزامات وفاقی ترقیاتی ادارے ( سی ڈی اے ) نے گزشتہ ایک سال میں الاٹ کیے گئے 5ارب روپے مالیت کے پلاٹوں کی انکوائری کا احکامات جاری کرتے ہوئے مزید ٹرانسفر پرپابندی عائد کردی ہے۔ ذرائع کے مطابق چیئرمین سی ڈی اے کے احکامات پر سی ڈی اے میں لینڈ شیئرنگ کے سیکٹرز میں کی گئی الاٹمنٹ کی ازسرنو سکروٹنی کے احکامات جاری کردئیے گئے ہیں ممبراسٹیٹ پر مشتمل کمیٹی کو سیکٹر ڈی 13ای 13اور ایف 13 میں الاٹ کیے گئے متبادل پلاٹس کی انکوائری کرنے کا گیا ہے واضح رہے کہ حال ہی میں ڈائریکٹر لینڈ اور ڈپٹی ڈائریکٹر لینڈ و بحالیات چوہدری نذیر کی جانب سے کیے مذکورہ سیکٹرز میں 360 سے زائد پلاٹ بذریعہ قرعہ اندازی الاٹ کیے گئے تھے جن میں لوگو کے کلیم زمین پوری کیے بغیر پلاٹوں کی الاٹمنٹ کے لیے پراسس کروائے گئے تھے ابتدائی انکوائری میں 10سے زائد پلاٹوں میں اس بے ضابطگی کو کنفرم کیا گیا ہے جس کے بعد سی ڈی اے نے غیر اعلانیہ طورپر مذکورہ پلاٹوں کی مزید ٹرانسفر پر پابندی عائد کردی ہے اور اس ضمن میں متعلقہ شعبہ جات کو آگاہ کردیا گیا ہے ۔
