اسلام آباد( وقائع نگار)ڈسٹرکٹ بار ایسوسی ایشن نے جوڈیشل کمپلیکس سے ایمان مزاری اور ہادی علی کی پیشی پر وکلاء کو باہر نکالنے کے معاملہ پر تین روزہ ہڑتال اورپولیس کے ضلع کچہری داخلہ پرپابندی کا اعلان کردیا۔بار ایسوسی ایشن کا اجلاس گذشتہ روز صدر نعیم گجر کی زیر صدارت ہوا، جس میں بارعہدیداران اور دیگر نے شرکت کی،اجلاس میں احاطہ کچہری میں پولیس کے داخلے پر پابندی عائد کرنے کا فیصلہ کرتے ہوئے کہا گیاکہ اگر کوئی پولیس والا کچہری میں داخلے کی کوشش کرے گا تو سختی سے نمٹا جائے گا، بار ایسوسی ایشن تین روز مکمل ہڑتال کرے گی اور وکلاء عدالتوں میں پیش نہیں ہوں گے، اسلام آباد بار ایسوسی ایشن کیجانب سے سوموار کو احتجاج کا بھی اعلان کرتے ہوئے کہاگیاکہ وکلاء کیجانب سے ڈی سی دفتر سے ملحقہ ایس پی دفتر کے سامنے احتجاج کیا جائے گا۔
تازہ ترین