میڈرڈ:
فٹبال کی عالمی تنظیم فیفا کو ورلڈ کپ 2026 کیلئے 500 ملین سے زیادہ ٹکٹوں کی درخواستیں موصول ہوگئیں۔فیفا 2026 ورلڈکپ کا آغاز 11 جون کو ہوگا جبکہ اس کا فائنل 19 جولائی کو کھیلا جائے گا۔فیفا کی جانب سے کہا گیا ہے کہ ریکارڈ ٹکٹوں کی درخواست ملنا عالمی کھیلوں کی تاریخ میں ایک نیا سنگِ میل ہے، 3 میزبان ممالک کے علاوہ سب سے زیادہ درخواستیں جرمنی، انگلینڈ، برازیل، سپین، پرتگال، ارجنٹائن اور کولمبیا سے آئیں۔فٹبال کی عالمی تنظیم کے مطابق سب سے زیادہ درخواستیں 27 جون کو میامی میں کولمبیا اور پرتگال کے درمیان گروپ مرحلے کے میچ کیلئے ملیں۔یاد رہے کہ چھٹے فیفا ورلڈ کپ ٹرافی کی نقاب کشائی 3 جنوری کو سعودی عرب کے شہر ریاض میں کی گئی تھی۔