اسلام آباد ہائیکورٹ کے جسٹس انعام امین منہاس کی عدالت نے وفاقی دارالحکومت میں کچی آبادی مسلم کالونی اسلام آباد میں سی ڈی اے آپریشن روکنے کا حکم دیتے ہوئے سی ڈی اے سے جواب طلب کرلیا
سماعت کے دوران وکیل درخواست گزار سردار عبد الرازق ایڈوکیٹ عدالت پیش ہوئے اور موقف اختیار کیاکہ کچی آبادی میں ہزاروں افراد رہائش پذیر ہیں،کچی آبادی بری امام کا علاقہ ہے جو 1960 سے قائم ہے،کبچی آبادیوں سے متعلق سپریم کورٹ نے میکنزم بنانے کی ہدایت کر رکھی ہے،کچی آبادی ، مسلم کالونی میں نور پور اور بری امام کا علاقہ شامل ہے
سی ڈی اے بغیر آگاہی بغیر نوٹس کے گھروں کو منہدم کر رہا ہے،سی ڈی اے کا آپریشن بلا جواز ہے عدالت آپریشن روکنے کے احکامات دے،عدالت نے مذکورہ بالا اقدامات کے ساتھ کیس کی سماعت 16 دسمبر تک ملتوی کردی