اسلام آباد: پاکستان میں شمسی توانائی کی پیداوار 18 ہزار میگاواٹ تک پہنچ گئی ہے، جیسے جیسے سولر بجلی 
کی پیداوار بڑھ رہی ہے نیشنل گرڈ پر دبائو بھی بڑھ رہا ہے۔ قائمہ کمیٹی میں پیش کی گئی ایک رپورٹ کے مطابق آف گرِڈ اور آن گرڈ نیٹ میٹرنگ کے ذریعے شمسی توانائی کی مجموعی صلاحیت 18,000 میگاواٹ تک جا پہنچی ہے، جس کے باعث نیشنل گرڈ پر دبائو بھی بڑھ گیا ہے اور اس کے استحکام کو نئے چیلنجز درپیش ہیں۔اس صورتحال میں حکومت قابلِ تجدید توانائی کے قومی گرڈ میں انضمام پر گہری نظر رکھے ہوئے ہے۔
بجلی نقصانات 2024میں 600ارب سے کم ہو کر 2025میں 397ارب روپے رہ گئے۔ میڈیا رپورٹ کے مطابق قائمہ کمیٹی میں کراچی میں بجلی مسائل، کے الیکٹرک ناقص کارکردگی اور بڑھتے نقصانات کی نشاندہی، پاور ڈویژن کے عہدے دار کا کہنا ہے کہ جنوری 2026 سے کراچی سمیت ملک بھر کے صارفین کسی بھی کمپنی سے بجلی خرید سکیں گے۔