اسلام آباد
ایڈیشنل ڈسٹرکٹ اینڈ سیشن جج محمد افضل مجوکہ کی عدالت میں زیر سماعت ٹک ٹاکر ثناء یوسف کے قتل کیس میں مزید ایک گواہ کا بیان قلمبند کرلیاگیا۔گذشتہ روز سماعت کے دوران سرکاری وکیل راجہ نوید حسین کیانی عدالت میں پیش ہوئے، دوران سماعت استغاثہ کے مزید ایک گواہ کا بیان ریکارڈ کیاگیا،ملزم عمر حیات کے وکیل کیجانب سے عدالت میں ملزم کی بیرک تبدیلی استدعا کرتے ہوئے کہاگیا کہ عمر حیات کو جیل میں خطرناک قیدیوں کیساتھ رکھا گیا ہے،جس پر جج محمد افضل مجوکہ نے کہاکہ میں سپریٹنڈنٹ اڈیالہ جیل کو اس حوالہ سے ہدایات دیتا ہوں، دوران سماعت کیس کا تمام مال مقدمہ عدالت میں جمع کروا دیا گیا،آئندہ سماعت میں استغاثہ کے بقیہ گواہان کی شہادت قلمبند کی جائے گی،عدالت نے کیس کی مزید سماعت 10 فروری تک ملتوی کردی۔