پاکستان اسٹاک ایکسچینج (پی ایس ایکس) میں ایک دن کے شدید ترین فروخت کے دباؤ کے بعد جمعہ کو خریداری کا رجحان واپس آگیا جس کے نتیجے میں 100 انڈیکس میں 2600 سے زائد پوائنٹس کا اضافہ ریکارڈ کیا گیا۔
دوپہر 12 بجے بینچ مارک انڈیکس 2,613.68 پوائنٹس یا 1.43 فیصد اضافے سے 184,951.80 پوائنٹس پر جاپہنچا۔اہم شعبوں میں خریداری دیکھی گئی جن میں کمرشل بینک، سیمنٹ، فرٹیلائزر، تیل و گیس کی تلاش کرنے والی کمپنیاں، آئل مارکیٹنگ کمپنیاں، بجلی پیدا کرنے والے ادارے اور ریفائنریز شامل ہیں۔ اے آر ایل، حبکو، ماری، او جی ڈی سی، پول، پی پی ایل، پی ایس او، ایس ایس جی سی، ایس این جی پی ایل، ایم سی بی، میزان بینک، نیشنل بینک اور یو بی ایل بھی مثبت زون میں دکھائی دیے۔