اسلام آباد کی مقامی عدالت نے ریاستی اداروں پر گمراہ کن الزامات اور ساکھ متاثر کرنے کے مقدمہ میں عدم پیشی پر وزیر اعلی خیبر پختونخوا سہیل آفریدی کے ناقابل ضمانت وارنٹ گرفتاری جاری کر دئیے۔ گزشتہ روز کیس کی سماعت سینئر سول جج عباس شاہ نے کی۔ سہیل آفریدی کے خلاف پیکا ایکٹ کے تحت این سی سی آئی اے نے مقدمہ درج کر رکھا ہے۔ دوران سماعت این سی سی آئی اے حکام اور کیس کے تفتیشی افیسر عدالت میں پیش ہوئے تاہم طلبی کے باوجود وزیراعلی خیبر پختونخوا سہیل آفریدی اور ان کے وکیل پیش نہ ہوئے۔ عدالت نے عدم حاضری پر سہیل آفریدی کے ناقابل ضمانت وارنٹ گرفتاری جاری کرتے ہوئے کیس کی سماعت تین جنوری تک ملتوی کر دی۔ قبل ازیں 11 دسمبر کو عدالت نے سہیل آفریدی کے قابل ضمانت وارنٹ گرفتاری جاری کئے تھے۔
تازہ ترین