اسلام آباد: وزیراعظم محمد شہباز شریف نے ضلع شمالی وزیرستان اور ضلع کرم میں فتنتہ الخوارج کے دہشت گردوں کے خلاف کامیاب کاروائیوں پر سکیورٹی فورسز کو خراج تحسین پیش کیا ہے۔ وزیراعظم نے آپریشنز میں فتنتہ الخوارج کے 25 دہشتگردوں کو ہلاک کرنے پر سکیورٹی فورسز کی خدمات کا سراہا ہے۔
وزیراعظم نے ان آپریشنز کے دوران دہشت گردوں کا کامیابی سے مقابلہ کرتے ہوئے جام شہادت نوش کرنے والے سکیورٹی فورسز کے 5 جوانوں کو خراج عقیدت پیش کیا ہے۔ وزیراعظم نے شہداء کے درجات کی بلندی کی دعائکی ہے اور ان کے اہل خانہ سے اظہار تعزیت کیا ہے۔ وزیر اعظم نے کہا کہ پوری قوم سکیورٹی فورسز کو سلام پیش کرتی ہے۔ وزیراعظم نے کہا کہ ہم ملک سے ہر قسم کی دہشت گردی کے مکمل خاتمے کے لئے پر عزم ہیں۔