کراچی: 22 ویں ہیلتھ ایشیا نمائش میں غیر ملکی شرکاء نے پاکستان کے شعبۂ صحت میں سرمایہ کاری میں دلچسپی کا اظہار کیا ہے، یہ نمائش شعبہ صحت میں عالمی تعاون اور جدت کا نیا سنگِ میل ہے۔ تفصیلات کے مطابق کراچی میں پاکستان کے سب سے بڑے بین الاقوامی ہیلتھ ایونٹ 22 ویں ہیلتھ ایشیا نمائش میں غیر ملکی شرکاء کا پاکستان کے شعبۂ صحت میں سرمایہ کاری میں دلچسپی کا اظہار کیا ہے۔
اس موقع پر روسی مندوب نے کہا ہے کہ یہ نمائش پاکستان کے تاجروں کے ساتھ تعلقات مزید مضبوط بنانے اور کاروبار کو وسعت دینے کا بہترین موقع ہے،ایونٹ میں شرکت کا مقصد ایسے شراکت دار تلاش کرنا ہے جن کے ساتھ مشترکہ تعاون کو فروغ دے سکیں، ہم یہاں ماسکو کی 14 کمپنیوں کو پاکستان میں متعارف کرانے اور کاروباری شراکت دار تلاش کرنے کیلئے موجود ہیں۔