شرم الشیخ: امریکی صدر ڈونلڈ ٹرمپ نے کہا ہے کہ غزہ جنگ بندی ان کی آٹھویں کامیاب صلح ہے اور اب ان کی توجہ کابل اسلام آباد تنازع پر ہے۔ اگر بھارت اور پاکستان کے درمیان تجارتی توازن قائم نہ ہوا تو 200 فیصد تک ٹیرف عائد کر دوں گا۔ میرے ان اقدامات کا مقصد دونوں ممالک کو مذاکرات اور تعاون پر مجبور کرنا ہے۔
میڈیا رپورٹس کے مطابق امریکی صدر ڈونلڈ ٹرمپ نے ایک گفتگو میں دعویٰ کیا ہے کہ غزہ میں جاری جنگ بندی ان کے دورِ قیادت میں ختم کیے گئے آٹھویں بڑے بین الاقوامی تنازعے کی علامت ہے۔ ٹرمپ نے کہا کہ میں نے دنیا بھر میں کئی تنازعات کو ختم کرانے میں اہم کردار ادا کیا اور اب ان کی توجہ افغانستان اور پاکستان کے درمیان بڑھتی ہوئی کشیدگی کو کم کرنے پر مرکوز ہوگی۔