باہمی دلچسپی کے امور، مذہبی ہم آہنگی، امن و بھائی چارے کے فروغ اور صوبے میں علماء کے مثبت کردار پر تبادلہ خیال
کوئٹہ: وزیر اعلیٰ بلوچستان میر سرفراز بگٹی سے جمعرات کو یہاں چیئرمین مركزی رؤیت ہلال کمیٹی پاکستان/خطیب و امام بادشاہی مسجد لاہور سفیر امن مولانا سید محمد عبدالخبیر آزاد نے ملاقات کی جس میں باہمی دلچسپی کے امور، مذہبی ہم آہنگی، امن و بھائی چارے کے فروغ اور صوبے میں علماء کے مثبت کردار پر تبادلہ خیال کیا گیا وزیر اعلیٰ بلوچستان میر سرفراز بگٹی نے مولانا سید محمد عبدالخبیر آزاد کی ملک میں مذہبی رواداری اور 
اتحادِ بین المسلمین کے فروغ کے لیے خدمات کو سراہا
اس موقع پر مولانا سید محمد عبدالخبیر آزاد نے وزیر اعلیٰ بلوچستان میر سرفراز بگٹی کی صوبے میں قیامِ امن، ترقیاتی اقدامات اور عوامی فلاح کے لیے جاری کاوشوں کو سراہا چیئرمین مركزی رؤیت ہلال کمیٹی پاکستان مولانا سید محمد عبدالخبیر آزاد نے ملک بھر میں قومی استحکام پاکستان کانفرنسز اور فتح معرکہ حق آپریشن بنیان مرصوص کی عظیم فتح کے پروگرامات کی تصنیف اور پیغام پاکستان، پاکستان کا عظیم بیانیہ بھی وزیر اعلیٰ بلوچستان میر سرفراز بگٹی کو پیش کی-
ملاقات کے آخر میں افواج پاکستان و سیكورٹی اداروں کے شہداء کی پاکستان کیلئے قربانیوں کو بھی سلام پیش کیا۔
