امریکا کا انتہائی جدید اور مہنگا ترین جنگی طیارہ ایف 35 ایرانی فائرنگ کا نشانہ بننے کے بعد ایک امریکی فضائی اڈے پر ہنگامی لینڈنگ کرنے پر مجبور ہو گیا ہے۔
یہ انکشاف امریکی نشریاتی ادارے ’سی این این‘ نے ذرائع کے حوالے سے جاری کی گئی ایک رپورٹ میں کیا ہے۔سی این این کے مطابق، اس معاملے سے باخبر ذرائع کا کہنا ہے کہ یہ طیارہ ایران کے اوپر ایک جنگی مشن پر تھا جب اسے مبینہ طور پر ایرانی دفاعی نظام یا فائرنگ سے نقصان پہنچا۔امریکی سینٹرل کمانڈ کے ترجمان کیپٹن ٹم ہاکنز نے اس واقعے کی تصدیق کرتے ہوئے بتایا ہے کہ پانچویں نسل کا یہ اسٹیلتھ جیٹ طیارہ بحفاظت زمین پر اتر گیا ہے اور اس کا پائلٹ بھی بالکل خیریت سے ہے۔امریکی حکام کا کہنا ہے کہ اس واقعے کی مکمل تحقیقات شروع کر دی گئی ہیں تاکہ معلوم ہو سکے کہ طیارے کو کتنا نقصان پہنچا اور اس پر حملہ کس نوعیت کا تھا۔ایران کی پاسدارانِ انقلاب (آئی آر جی سی) نے بھی دعویٰ کیا ہے کہ اس نے ایک امریکی ایف-35 لڑاکا طیارے کو نشانہ بنایا اور اسے نقصان پہنچایا ہے۔ جبکہ بھارت میں ایران کے قونصل خانے نے اپنے ’ایکس‘ اکاؤنٹ سے ایک ویڈیو شیئر کی ہے، جس کے حوالے سے دعویٰ کیا گیا ہے کہ یہ منظر ایف 35 کو نشانہ بنائے جانے کے ہیں