دبئی: دنیا کے سب سے بڑے سرمایہ کاری پلیٹ فارم اے آئی ایم کانگریس کے آرگنائزنگ کمیٹی کے اعلان کے مطابق کانگریس کا 15واں ایڈیشن 13 سے 15 اپریل 2026 تک دبئی ورلڈ ٹریڈ سینٹر میں منعقد ہوگا۔
اماراتی نیوز ایجنسی ’’وام‘‘ کے مطابق اس کانگریس کا موضوع’’عالمی خوشحالی کی تشکیلِ نو: پائیدار اور جامع مستقبل کی طرف نئے سرمایہ کاری کے راستوں کا انکشاف‘‘ ہے جس میں بڑی معاشی تبدیلیوں کے دوران ترقی کی حکمتِ عملی، عالمی شراکت داریوں کو مضبوط بنانے اور معاشی چیلنجز کے حل کے لیے اختراعی تجاویز پر توجہ دی جائے گی۔
انہوں نے کہا کہ یو اے ای ایسی معیشت کی تعمیر کر رہا ہے جو نہ صرف تبدیلیوں کے ساتھ ہم آہنگ ہو بلکہ ان کا پیشگی اندازہ لگا کر مستقبل پر مبنی صنعتوں میں سرمایہ کرے اور کل کے ترقیاتی مراکز کے ساتھ شراکت داری کرے۔ڈاکٹر الزیودی نے بتایا کہ اس سال کانگریس کا فوکس تین بڑے ستونوں پر ہوگا جن میں گلوبل مارکیٹس، فیوچر اکانومیز اور نیکس جن شامل ہیں تاکہ مستقبل کی مضبوط اور متوازن معیشت کی تشکیل ممکن ہو۔
اے آئی ایم گلوبل فاؤنڈیشن کے صدر داؤد الشیزاوی نے بتایا کہ گزشتہ ایڈیشن میں 181 ممالک سے 15,800 سے زائد مندوبین نے شرکت کی جو اس پلیٹ فارم پر عالمی برادری کے بڑھتے اعتماد کا مظہر ہے۔انہوں نے کہا کہ فاؤنڈیشن عالمی اداروں کے ساتھ تعاون کو مزید وسعت دے گی اور ایسے معیاری مواد فراہم کرے گی جو معاشی چیلنجز کا حل پیش کرے اور مستقبل کی سرمایہ کاری کے لیے معیشتوں کو تیار کرے۔