اسلام آباد :نائب وزیراعظم اور وزیر خارجہ سینیٹر محمد اسحاق ڈار سے بیرونس نوشینہ مبارک نے بدھ کو یہاں ملاقات کی۔ دفتر خارجہ کی جانب سے جاری بیان کے مطابق انہوں نے پاک برطانیہ دوطرفہ تعلقات کو مضبوط بنانے، پارلیمانی تبادلوں کی اہمیت اور برطانیہ میں مقیم پاکستانیوں سے متعلقہ امور پر تبادلہ خیال کیا۔ بیرونس نوشینہ مبارک نے پاکستان میں حالیہ سیلاب، متاثرین کی بحالی اور ان کی مشکلات میں تخفیف کی کوششوں کے بارے میں بھی دریافت کیا۔ نائب وزیراعظم نے پاکستان اور برطانیہ کے درمیان تعلقات کو مزید وسعت دینے کے لیے بیرونس مبارک کی مسلسل کوششوں کو سراہا۔
