اسلام آباد :ناروے میں کام کرنے والے پاکستانیوں کی ترسیلات زرمیں جاری مالی سال کے پہلے دوماہ میں سالانہ بنیادوں پر24.8فیصدکااضافہ ریکارڈکیاگیاہے۔
سٹیٹ بینک کے اعدادوشمارکے مطابق جولائی تااگست کی مدت میں ناروے میں کام کرنے والے پاکستانیوں نے 22.4ملین ڈالرزرمبادلہ ملک ارسال کیاجوگزشتہ مالی سال کی اسی مدت کے مقابلہ میں 24.8فیصدزیادہ ہے،گزشتہ مالی سال کی اسی مدت میں ناروے میں کام کرنے والے پاکستانیوں نے 18ملین ڈالرزرمبادلہ ملک ارسال کیاتھا،اگست میں ناروے سے ترسیلات زرکاحجم 10.6ملین ڈالرریکارڈکیاگیا جوجولائی میں 11.9ملین ڈالر اورگزشتہ سال اگست میں 8.6ملین ڈالرتھا،
واضح رہے کہ جاری مالی سال کے دوران سمندرپارپاکستانیوں کی مجموعی ترسیلات زرکاحجم 6.352ارب ڈالرریکارڈکیاگیاہے جوگزشتہ مالی سال کی اسی مدت کے 5.936ارب ڈالرکے مقابلہ میں 7فیصدزیادہ ہے۔