تھانہ جاتلی کے علاقے پنجگراں گھریلو حالات سے دل برداشتہ 27 لڑکی نے مبینہ طور پر خودکشی کر لی۔
پولیس کے مطابق لڑکی کی شناخت مریم مشتاق کے نام سے ہوئی ہے نعش پوسٹ مارٹم کے لیے اسپتال منتقل کردی گئی، لڑکی کی موت گولی گردن پر لگنے سے ہوئی موقع سے 30 بور پسثل بھی ملا ہے جاتلی پولیس نے مبینہ خودکشی کے واقعے کی تحقیقات شروع کر دی ہیں۔
اس سے قبل مظفر گڑھ میں بھی ایک افسوسناک واقعہ پیش آیا تھا جہاں ماموں اورقریبی رشتے دار کی جانب سے زیادتی کا شکار 16 سالہ لڑکی نے مبینہ خودکشی کرلی تھی۔
پولیس کے مطابق خودکشی سے ایک روز قبل لڑکی نے اپنے والد اور بہن کو بتایا تھا کہ 2 ماہ قبل اس کے ماموں اور رشتے دار نے اسے زیادتی کا نشانہ بنایا تھا۔
پولیس کا اس حوالے سے کہنا تھا کہ لڑکی شدید ذہنی دباؤ کا شکار تھی جس کے بعد اس لڑکی نے مبینہ طورپر خودکشی کرلی، پولیس نے ملزمان کو گرفتار کرلیا اور لڑکی کی لاش سے نمونے فارنزک ٹیسٹ کے لیے لاہور بھجوادیے تھے۔