پاکستان ویمنز کرکٹ ٹیم کراچی سے آئرلینڈ روانہ

پاکستان ویمنز کرکٹ ٹیم کراچی سے براستہ دوحہ آئرلینڈ ڈبلن روانہ ہوگئی ہے۔

تفصیلات کے مطابق دورہ آئرلینڈ کے لیے پاکستان وویمنز کرکٹ ٹیم نے کراچی میں تربیتی کیمپ ختم کرکے کراچی سے آئرلینڈ کیلئے روانہ ہو گی ہے۔

وویمنز کرکٹ ٹیم آج دوپہر آئرلینڈ پہنچے گی، ٹیم کی قیادت فاطمہ ثناء کریں گی، پاکستان اور آئرلینڈ کے درمیان 3 ٹی ٹوئنٹی میچز  کھیلے جائیں گے، تینوں میچ کلون ٹرف آئرلینڈ میں کھیلے جائیں گے۔

پاکستان ویمنز کرکٹ ٹیم آئرلینڈ کے خلاف اپنا پہلا میچ 6 اگست کو کھیلے گی، دوسرا 8، تیسرا اور آخری میچ  10 اگست کو کھیلا جائے گا۔

پاکستانی اسکواڈ میں عالیہ ریاض، ڈیانا بیگ، ایمان فاطمہ، گل فیروزہ، منیبہ علی، نجیحہ علوی (وکٹ کیپر) شامل ہیں اس کے علاوہ نشرہ سندھو، نتالیہ پرویز، رامین شمیم۔شوال ذوالفقار، سعدیہ اقبال، سدرہ امین طوبیٰ حسن اور وحیدہ اختر بھی 15 رکنی اسکواڈ میں شامل ہیں۔