اسلام آباد:افغانستان کے لیے پاکستان کے خصوصی نمائندے سفیر محمد صادق نے ماسکو میں پاکستان، چین، ایران اور روس پر مشتمل چار فریقی گروپ کے اجلاس اور اس کے بعد ماسکو فارمیٹ کے اجلاس میں پاکستان کی نمائندگی کی۔ یہ بات ترجمان دفتر خارجہ شفقت علی خان نے جمعہ کو یہاں پریس بریفنگ میں بتائی۔
انہوں نے کہا کہ افغانستان کے لیے پاکستان کے خصوصی نمائندے نے اس دوران اہم دو طرفہ ملاقاتیں بھی کیں جن میں افغان وزیر خارجہ امیر خان متقی اور علاقائی ممالک کے دیگر سینئر سفارت کاروں کے ساتھ ملاقاتیں بھی شامل ہیں۔
