امریکا کی نامور ٹینس سٹار عالمی نمبر ٹواور ایونٹ کی سیکنڈ سیڈڈکوکوگف،اٹلی کی ٹینس کھلاڑی جیسمین پاؤلینی اور جمہوریہ چیک کی ٹینس سٹار باربورا کریجیکووا ڈبلیو ٹی اے سنسناٹی اوپن ٹینس ٹورنامنٹ میں خواتین کے سنگلز مقابلوں کےچوتھے رائونڈ میں پہنچ گئیں ۔کوکوگف نے ویمنز سنگلز مقابلوں میں باآسانی اور بلامقابلہ چوتھے رائونڈ میں پہنچ گئیں کیونکہ ان کو یوکرین حریف کھلاڑی ڈیانا اولیکسنڈریونا یاسٹریمسکا کے خلاف تیسرے رائونڈ میچ میں واک اوور مل گیا تھا۔
اٹلی کی ٹینس کھلاڑی جیسمین پاؤلینی نے ویمنز سنگلز مقابلوں کے تیسرے رائونڈ میچ میں امریکی حریف کھلاڑی ایشلین کروگر کو شکست دے کر چوتھے رائونڈ کے لئے کوالیفائی کیا ۔امریکی ریاست اوہائیو کے شہر میسن کے لنڈنر فیملی ٹینس سینٹر میں ڈبلیو ٹی اے کا ایونٹ جاری ہے جس میں شائقین ٹینس کو دلچسپ مقابلے دیکھنے کو مل رہے ہیں۔ 21 سالہ نامور امریکی ٹینس سٹار، کوکوگف کو ویمنز سنگلز مقابلوں کے تیسرے رائونڈ میچ میں یوکرین حریف کھلاڑی ڈیانا اولیکسنڈریونا یاسٹریمسکا کے خلاف واک اوور مل گیا تھا ۔
سیکنڈ سیڈڈکوکوگف کا چوتھے رائونڈ میچ میں مقابلہ اٹلی کی ٹینس کھلاڑی لوسیا برونزٹی سے ہوگی۔29 سالہ اطالوی ٹینس سٹار جیسمین پاؤلین نے بھی تیسری رکاوٹ عبور کر لی، انہوں نے عمدہ کھیل پیش کرتے ہوئے امریکی حریف کھلاڑی ایشلین کروگر کو ٹائی بریک پر سٹریٹ سیٹس میں 6-7(2-7)اور 1-6 سے ہرا کر چوتھے رائونڈ کے لئے کوالیفائی کیا۔تیسرے رائونڈ کے ایک اور میچ میں جمہوریہ چیک کی ٹینس سٹار باربورا کریجیکووا نے عمدہ کھیل پیش کرتے ہوئے امریکی حریف کھلاڑی ایوا جووک کو 4-6، 6-3 اور 2-6 سے مات دی اور چوتھے رائونڈ کے لئے کوالیفائی کرلیا۔