لندن میں فلسطین ایکشن کے حق میں مظاہرے سے 365 افراد کو پولیس نے گرفتار کرلیا۔
لندن میں پارلیمنٹ اسکوائر میں مظاہرین کو کالعدم تنظیم کی حمایت پر گرفتار کیا گیا، برطانوی حکومت نے گزشتہ ماہ فلسطین ایکشن گروپ کو دہشت گرد تنظیم قراردیا تھا۔
میٹروپولیٹن پولیس کا کہنا ہے کہ فلسطین ایکشن گروپ کی حمایت پر سب کو گرفتار کریں گے۔
ناقدین کامؤقف ہے کہ پابندی اظہار رائے اور احتجاج کے حق کو سلب کرتی ہے۔ ایمنسٹی انٹرنیشنل کا کہنا ہے کہ پلے کارڈ اٹھانے پر گرفتاری انسانی حقوق کی خلاف ورزی ہے۔
واضح رہے کہ انسداد دہشت گردی ایکٹ کے تحت فلسطین ایکشن کی حمایت پر 14 سالقید کی سزا ہے، جولائی سے برطانیہ بھر میں 200 سے زائد افراد پہلے ہی گرفتار کیے جاچکے ہیں۔
ہفتے کے روز پارلیمنٹ اسکوائر سے رپورٹنگ کرتے ہوئے الجزیرہ کی سونیا گیلیگو نے کہا کہ گرفتاری یا سزا کی دھمکی نے فلسطین ایکشن کے "کسی حامی کو” گروپ کی حمایت کا اظہار کرنے سے نہیں روکا ہے۔
گیلیگو نے کہا کہ کوئی چیز اتنی ہی آسان ہے جیسے کہ ٹی شرٹ پہننا، ‘میں فلسطین ایکشن کی حمایت کرتا ہوں’، کیا کاغذ کے شیٹ پر لکھا ہوا ہونا” گرفتاری کا باعث بن سکتا ہے۔