کابل: افغانستان کرکٹ بورڈ (اے سی بی) نے پاکستان اور میزبان یو اے ای کے خلاف آئندہ ٹی 20 سہ فریقی سیریز اور ایشیا کپ کے لیے 22 رکنی ابتدائی اسکواڈ کا اعلان کردیا۔
افغان کرکٹ بورڈ کے مطابق اسٹار اسپنر راشد خان ٹیم کی قیادت کریں گے، ابتدائی اسکواڈ دو ہفتے کے تربیتی کیمپ میں حصہ لے گا۔
کیمپ کے اختتام کے بعد اسکواڈ میں 15 کھلاڑیوں کی کمی کر دی جائے گی۔
ٹی 20 سہ فریقی سیریز 29 اگست سے 7 ستمبر تک متحدہ عرب امارات کے شارجہ کرکٹ اسٹیڈیم میں شیڈول ہے۔ افغانستان اپنی سہ ملکی سیریز کا آغاز 29 اگست کو پاکستان کے خلاف میچ سے کرے گا۔
سہ فریقی سیریز اے سی سی مینز ٹی ٹوئنٹی ایشیا کپ سے قبل تینوں ٹیموں کے لیے ایک اہم تیاری ہوگی، جو یو اے ای میں 9 سے 28 ستمبر تک کھیلی جائے گی۔
سہ فریقی سیریز میں ہر ٹیم دو بار مدمقابل آئے گی، فائنل میں جانے سے قبل تمام فریق کم از کم چار میچ کھیلیں گے جو 7 ستمبر کو شیڈول ہیں۔
افغانستان کا 22 رکنی ابتدائی اسکواڈ
راشد خان (کپتان)، ہیں دیگر کھلاڑیوں میں رحمن اللہ گرباز، صدیق اللہ اتل، وفی اللہ ترہ خیل، ابراہیم زدران، درویش رسولی، محمد اسحاق، محمد نبی، ننگیال خروٹی، شرف الدین اشرف، کریم جنت، عظمت اللہ عمرزئی، گلبدین نائب، مجیب زدران، اے ایم غضنفر، عبدالقادر، فرزانہ، عبدالقادر اور دیگر شامل ہیں۔ نوین الحق، فرید ملک، سلیم صافی، عبداللہ احمد زئی اور بشیر احمد شامل ہیں۔