اسلام آباد
اسلام آباد ہائیکورٹ کے چیف جسٹس سردار محمد سرفراز ڈوگر اور جسٹس محمد اعظم خان پرمشتمل ڈویژن بنچ نے بیرسٹر فہد ملک قتل کیس کے مجرموں کی عمر قید کی سزا کے خلاف اپیلوں خواجہ حارث ایڈووکیٹ کی استدعا پر سماعت ملتوی کردی۔گذشتہ روز مجرمان راجہ ارشد، راجہ ہاشم اور نعمان کھوکھر کی سزا کے خلاف اپیلوں پر سماعت کے دوران مقتول بیرسٹر فہد ملک کی والدہ اور بھائی جواد سہراب ملک اپنے وکیل خواجہ حارث کے ہمراہ عدالت میں پیش ہوئے، خواجہ حارث ایڈووکیٹ نے کہاکہ بیرسٹر فہد ملک کیس کے مدعی ملک طارق انتقال کر گئے ہیں،مجھے فہد ملک کی والدہ نے ہفتے کے روز وکیل کیا یے، استدعا ہے کہ کیس کی تیاری اور پاور آف اٹارنی جمع کروانے کے لیے وقت دیا جائے،عدالت نے استدعا منظور کرتے ہوئے سماعت موسم سرما کی تعطیلات کے بعد تک ملتوی کر دی۔اسلام آباد کی ٹرائل کورٹ نے تینوں مجرمان کو عمر قید کی سزا سنا رکھی ہے۔