*نیشنل گرڈ کمپنی کے ملک بھر میں قائم گرڈ سٹیشنز اور فیلڈ دفاتر میں ارتھ آور منایا گیا*
نیشنل گرڈ کمپنی آف پاکستان (این جی سی) کے ملک بھر میں قائم گرڈ سٹیشنز اور فیلڈ دفاتر میں رات 8:30 سے 9:30 بجے تک ارتھ آور منایا گیا۔ ایم ڈی انجینئر الطاف حسین ملک کی ہدایت پر ارتھ آور کی عالمگیر مہم کا حصہ بنتے ہوئے ملک بھر مین تمام تنصیبات کی غیر ضروری روشنیاں ایک گھنٹہ کیلئےبند کر دی گئیں ۔
ارتھ آور منانے کا مقصد عوام میں توانائی کے ذمہ دارانہ استعمال سے متعلق شعور اجاگر کرنا تھا اور یہ توانائی کی بچت اور ماحولیات کے تحفظ کے حوالے سے عالمی یکجہتی کی علامت ہے۔منیجنگ ڈائریکٹر (این جی سی) انجینئر الطاف حسین ملک نے اس موقع پر اپنے پیغام میں کہا کہ ارتھ آور موسمیاتی تبدیلیوں کے خلاف شعور بیدار کرنے کا اہم موقع ہے۔ توانائی کی بچت اور ماحول کا تحفظ آنے والی نسلوں کے محفوظ مستقبل کے لیے ناگزیر ہے۔